خلى البنت تحبك فى 13 خطوة بس هههههههههههه

خلى البنت تحبك فى 13 خطوة بس هههههههههههه 5aznh-e5b092f40b

خلى البنت تحبك فى 13 خطوة بس هههههههههههه 5aznh-9dd563628c

اولا : بلاش تصدق اي حد يقولك ان البنت بتحب الولد العاقل لان الراجل العاقل تعجب بية بس لكن مايخطفش قلبها ولو حبيت تعمل عاقل اعمل بس بمسكنة شوية قال يعني انك المعذب في الدنيا وان الدنيا هي الي خليتك تستخدم عقلك وتموت عواطفك يعني خليك حريك كدة وحسيسها انك محتاجلها.

ثانيا : البت بتحب الواد الرومانسي يعني الي يضحك عليها يعني اهريها كلام حب وياريت تمسك ايدها وتقولها انتي رجعتيلي حياتي اوعي تبعدي عني ....يعني تعملها قيس كدة وهو جي علي الحمار المكسح .

ثالثا : البنت بيأنب ضمرها اوي الواد الي واخد بومبة يعني متفرقع من واحدة تانية يعني يا ريت ترسم عليها الدور كويس وتقالها انها عملت وعملت الي انت كنت بتحبها قبليها وانها سابتك في عز احتياجك ليها ودمعلها وتقالها ارجوكي مش عايز افتكر حاجة انتي عارفة يعني اية كرامة الراجل لازم تنزل دموع التماسيح كويس اوي .......... حسيسها انك محتجلها ومتخفش هي طيبة و على نيتها هتقع وهتصدق .

رابعا : البنت بتحب الواد الاستيل والعضالات......... وطبعا انت الاستيل ممكن تتصرف فيها وتستلف ملابس اي حد لكن المشكلة في موضوع العضلات انت ممكن تلبس هدوم كتير علي بعض او حل تاني تقولها انك كنت عضلات زمان لكن من ساعة الي حصلك من البت الي فاتيت وانت بتاكل في نفسك ومعلش انك هتحاول تاكل كويس وتلعب رياضة .

خامسا : البت بتحب الواد ابو دم خفيف يعني بلاش تكون نكدي معها.

سادسا : البت بتحب الواد الجاد في شغلة اوي يا سلام ترسملها الدور كدة كويس اوي انك زويل في مجالك وانك بتعمل شغل ماحصلش وتحسيسها بالذنب بانك بتضحي بوقتك علشان تكون معاها .......... طبعا لازم تكون ناصح علشان تكلم غيرها في الوقت تاني ويا سلام بقا يا واد لوتحكيلها قد اية انت بتقاسي وانك مستحمل العذاب علشان عش العصفور .

سابعا : البت بتحب الواد الي يحسيسها بجملها وقد اية هي طيبة وغلبانة وذكية وتحسيسها انها هتفضل جواك علي طول في كل لحظة رغم ان في كتير هيموتوا عليك
ولازم تخوفها كتير انك ممكن تضيع من غيرها وانك نفسك انها تكون اخر واحدة
في حياتك زي ما انت حاسيس انها الاولي حاليا يعني بالعربي حسيسها انها
الاميرة الحافية .

ثامنا : اتمحك فيها كل شوية تكلمها وتحسسها انها في بالك علي طول .......يعني
اول ما تصحة من النوم اتصل بيها او ابعتلها رسالة ولما تفطر ولما تتغدي
ولما تتعشا كدة يعني ويا سلام لو هي بتشتغل اقرفها كل شوية وكلمها وقولها
انك قلان عليها وانك مش بتستريح غير لما تكون في البيت .........
قولها وحشتيني موت وانك نفسك تكون معاك في كل لحظة يعني خليك واد حريك
خليها كدة تحس ان ما فيش حد بيحبها في الدنيا دية قدك .

تاسعا : حسسها انك واد بس اة ست بيت بتعرف تعمل كل حاجة وهتساعدها في بيتكم ......... بالعربي كدة عرفها انك هتشارك معها في كل حاجة قولها يا حياتي دة انا نفسي اخليكي اميرة تقعدي كدة والناس كلهم يخدموكي دة انا يا توتة اخدمك برموش عنيا حتي لو رموشك وقعة عرفها يعني انك راجل بمعني الكلمة يعني كدة تكون سبع رجالة في كرتونة واحدة .

عاشرا: بالرغم من انك راجل شرقي قولها انك بتامن بحرية
المراءة وان المراءة تلبس الي هي عايزة بس في حدود الادب وانك عايزها تلبس
كل الحلو ليك بس في بيتكم ....يعني حسيسها انك بتفهم في الزوق ولو ما تعرفهوش هات كتاب الحياة ........عرفها انك واد حمش .

الحادي عشر: حسسها انك راجل مخك كبير اوي وانك هتستحملها في وقت غضبها رغم
انك عصبي ودية علشان تعرفها قد اية انك بتحبها وعرفها انك هتقف جنبها في
كل مشكلها .........ولما تحصل مشكلة يبقي اتلككلها علي اي حاجة .

الثاني عشر: عرفها انك مش بتحب اي حد يكلمها غيرك وانكم زي بعض في كل حاجة حتي من كتر حبك ليها انت بقيت شكلها ........قال يعني هي مسيطرة عليك .

الثالث عشر: قولها ان مافيش حد هياخد مكانك وانك مهما
تعملي هفضل احبك بالرغم ان دية مش مبادئك بس سبحان اللة انت مستعد تتنازل
عن اي حد في الدنيا الا انتي........... عرفها انك عندك مبادئ وانك متمسك
بيها .

ملاحظة

*** لو البنت وقعت فيك وماتيت في دبابيبك
فتحها في موضوع الارتباط واشرحلها ظروفك الي ذي الزفت وانها هتعب بس في
الاول ........بس هتشوف حياة تانية خالص بعد الجواز وانك حبك هيكبر ليها
بعد الجواز خليها تحلم بالجنة الي
عمرها ماهتشفها واعمل انك نفسك انها تكمل معاك للنهاية وانك خايف
لمتستحملش معاك المشوار يعني اتقل عليها شوية وحسيسها انك خايف منها .....امال خليها هي الي تقرب وانت افضل مكانك بس مش كتير اوي احسن تزهق وتفوق .

*** لو البنت عمليت عبيطة ومش واخدة بالها منك افهم انها مقطعة السمكة وديلها وانها سمعت الكلام دة كتير قبل كدة.

اتمنى يكون الموضوع عجبكم
وعلى فكرة الكلام ده يا جماعه للفكاهة بس يعني اوعى
تعمل كده مع مراتك او حبيبتك لان اصعب حاجة انك تضحك على الانسان اللي
بتحبه لانه لو عرف ده عمره ما هيثق فيك بعد كده و هيعمل كل حاجة من وراك
لانه مش هبيبقى حاسس بالامان.
و خليك دايما واد جدع و حسس حبيبتك انها ملكة جمال
الكون ايه يعني يا عم هوه انته هتتجوز غيرها مهي هيه ديه مراتك و خلاص
اللي كان كان يعني مش هتخسر حاجة كل الكلام الحلو قوله ليه هتلاقيها دايما
معاك مطيعة و هادية و تمووت فيك و تحاول دايما تعمل اللي يرضيك.
يعني من الاخر راعي ربنا فيها تراعي هيه ربنا فيك
وصدقني عمرك ما هتلاقي احن عليك من امك ثم مراتك حبيبتك
حاول دايما تساعدها في بيتها مهو بيتك يا عم متسيبشي كل حاجة عليها الست
بتمووت في الراجل اللي يقدر مجهودها حتى لو صغير عرفها ان تعبها عشان
ترضيك ماراحشي هدر و انك فعلا راضي عنها

يا عيني عليكي يا هبة ده بدل ماتخليهم هما يحبونا انت عملتي العكس يخرب عقلك يابت هههههههههه الى المزيد.تحياتي

هههههههههههههه اة شفتى على اساس ان البنات مابيعرفوش يميزو ان كان الولد دة بيعمل عليها حركات واسطوانات ولة لا ههههههههههههه بس ابقى خدى بالك لوحدعمل معاكى كدة ماتصدقهوش هههههههه ابقى قوليلة خلاص قديمة وقرعة هههههههههههه شفلك غيرهاوبعدين ياصفاء لوالولد نيتة خير يبقى مش هيعمل الحركات القرعة دى وهيراعى ربنا وضميرة فى البنت اللى مرتبط بيها او متزوجها يعنى دة تهريج وربنا يهدى يارب ومايحصلش الكلام دة

ميرسى لمرورك ياصفاء

موضوع جميل اوى يا هوبه ويارب يجيب نتيجه فعلا هتكون خدمة العمررررر وتكونى استاذه بجد على العموم هنجرب ونشوف ههههههههههههههههههه

عليكم السلام ورحمة الله وبركاتة اهلا يااستاذ خدمة العمروالله طيب كويس المهم انت بس بصراحة مش هتليق عليك الحركات دى خالص يامصطفى انا بقولك الصراحة على راى تامر حسنى الا انا ماتمشيش معايا السكة دى انا ممكن ازعلك ههههههههههههههههههههههههههههههههههههههههههههههه

» لما البنت تكون عاوزه تتعرف على ولد ........ ادخل وشوف بتعمل ايه